++(((ده ......و ده !!!!!)))++

بفكر في اللي ناسيني وبنسي اللي فاكرني

وبهرب من اللي شاريني وبدور عاللي بايعني 

.

.

اللي يهوالك اهواه .. واللي ينساك انساه .. انساااه يا قلبي

.

.

.

ليه بقي حالنا زي حال عبد الوهاب .. مش زي حال محمد فوزي  ؟؟؟

.

.

ليه ممكن تعيش عمرك كله تدور علي حد 

مش عاوزك او بيلعب بيك .. وبيجري منك 

.

.

.

في الوقت اللي فيه حد بيحبك وعاوزك

وشاريك لابعد الحدود وبيجري وراك ..

وانت اللي بتجري منه 

.

.

.

ليه اللي يتقل علينا ويتدلل .. نحبه ونروحله؟؟؟؟

واللي يحبنا ويهتم بينا .. نمل منه ونبعد عنه ؟؟؟؟

.

.

.

ليه دايما الواحد ما بيختارش إلا  وجع قلبه  بأيده ...

ليه القط ما بيحبش الا خناقه ؟؟

.

.

.

ليه مشقلبين حالنا اوي كده مننا فينا

.

.

.

لو حد قالك بحبك وابتدي يهتم بيك اوي  

ويجري وراك وبقيت انت كل همه .. شاغل كل وقته وتفكيره 

((( بيندلق عليك  )))) ولا فيش غيرك في حياته

تزهق وتمل منه ....وتحس انه كده خنقة اوي

مايصحش ما ينفعش مايمشيش معاك ........ وتبعد عنه 

.

.

.

ولو حد تاني انت مشدود ليه .. مجرد انه يتقل عليك

ويبعد عنك ويبعدك عنه 

ويعرف يصدك ..ويتعامل معاك بتقل اووي 

(((يدلقك))) و يتدلع عليك 

تندلق عليه وتحبه وتجري وراه

وتحسسه انه بقي الدنيا ومافيش من بعده فيها ....... وتقرب ليه 

.

.

.

.

.

مع انك لو سبت نفسك للي بيحبك

هاتحن ليه بجد وهاتحبه وهاتحس كل اللي بيعمله عشانك ..

هاتعرف معني الحب والاهتمام المشترك 

هاتعرف طعم الحياة ..

هيرتاح بالك وتعيش سعيد

وفي نفس الوقت لو طنشت اللي تقلان عليك وبعيد عنك

وابتديت تحسسه ان زيه في حياتك زي اي حاجة 

واهتمامك بيه يقل .. او ينعدم  .. وتبعد عنه 

انت نفسك هاترتاح وبالك هايهدي وينصلح ..

ومرة في مرة الحزن والخوف اللي جواك يتحول امان

وترجع تلاقي للحياة معني  ..

.

.

وكفاية اووي انك هاتعيش سعيد مرتاح البال ..

مش شاغلك حد تقلان عليك ...تفاهات ولعب عيال

.

.

ونطبق منطق محمد فوزي الله يرحمه ويبشبش الطوبه اللي تحت راسه 

اللي يهواك اهواه .. واللي ينساك انساااه .. انسااه يا قلبي !!!!!