جربت حظي وقولت اعمللي  مدونة
ما كل الناس عملت .. اشمعني انا  !!
يمكن تصيب  واعرف  اكتب كلام يتوزن
وانشالله ياخد مني بدال اليوم سنة
وعجبييييي



الخميس، مايو 22، 2008

عــرض تــجــريـــبـي


الله .. الله.. الله

واحد اتنين تلاتة ... اس اس اس

ايييييييوووون ......كله شغال واخر تمام





اول مرة النهاردة في حياتي اعمل مدونة

اه اكيد سمعت عنها من زمان كتير اووي

واكيد جه في بالي عشرميت مرة اني اعملها

واكيد في العشرميت مرة دول يا كنت بكسل اعملها يا اما كنت بكبّر وبقول معنديش وقت ليها ( اكيد بوفر وقتي لحاجه تانية اهم .... النووووم)... يا اما كنت بقرر خلاص اعملها وبنسي .. يا اما ويا اما




بس سبحان ربك يا مؤمن

جالي الهاتف النهاردة بالذات في اليوم والساعة التاريخية دي .. اني اعمل مدونة



كون اني عملتها خلاص فدي حاجة حلوة خالص .. حاجة جميلة جدا

انما صدق من قال في قديم الامثال ان الحلو  ما بيكملش

عشان احنا في فترة امتحانات وغصب عننا نحترم نفسنا ونذاكر  بالذوق ..

بدل ما نذاكر بالعافية وببعزقة كرامة وانتوا عارفين الباقي بقي ...

فاللأسف ... مش  هالحق اكتب مواضيع في مدونتي عزيزتي :( :(



بس اكيد بإذن الله ان شاء الله وبعون الله ابتداء من اخر يوم ليا في الامتحانات

هابتدي مع مدونتي عزيزتي بجد .. وهاتعرف عليها وقتها وهاعرفها بنفسي بقلب  جامد ....

وربنا يجعل القبول في وشنا.....



وده بقي كان موجز العرض التجريبي لاول مواضيعي  علي مدونتي عزيزتي

وبعد الامتحانات .. هاجيلكم بالعرض التفصيـــــلي ... مـــش التجريـــــبـــي

هناك تعليقان (2):

ojg يقول...

بت يا آيه
تكوني إنتي إنتي؟؟
لو كنتي إنتي فولي إنك إنتي
ولو مش إنتي قولي برضو
يالهوي يا بت انتي لو كنتي إنتي
ردي بسرعه
هموت واعرف انتي ولا مش انتي

ليـــالي يقول...

ojg

قصدك مين فين وفين ليه وليه امتي ؟؟

طب انا مييين ؟؟؟

:D :D

مالك يا عم وزوز بس .. اه انا انا وأبقي انا :$:$ ...لان انا لو مش انا مش هابقي انا واديني بقولك اهو انه انا :)


miss you keteer (K)00